張敬軒新歌《YOU》今日(13日)派台,歌曲以久違的強勁節奏曲風,試圖對人們在生活裏的種種迷戀、貪婪和自虐傾向,發出一陣陣警覺的巨響,實行要解剖城市生態!


除了音樂與內容都深具探討性,軒仔在美術和創意上也有非常高的要求。拍攝MV時軒仔說:「好開心今次終於可以邀請到Sheng Wong同Fmlik主理呢首歌嘅MV。我睇咗好多關於Sheng嘅作品,拍得好靚,佢係我覺得近年新晉嘅導演入面,對藝術嘅視覺同埋感受,係好唔同。Fmlik本身係一個技術基礎好深厚嘅一位導演,所以有佢哋兩位操刀去幫我拍呢個MV,我真係覺得好榮幸。」除了導演,現場亦安排了多位舞蹈員跟軒仔一同拍攝,其中排舞師Valerie Lui更是軒仔的「老朋友」,「同佢喺舞台上合作過好多次,佢由當年新出道嘅一位dancer,今日已經變成一位獨當一面嘅排舞師,好開心。」
軒仔也表示,MV結合了歷史建築物、不同界別的舞蹈家和造型師的合作,可說是一項藝術與文化的交流,「錄呢首歌曲嘅過程中,完全冇諗過MV係以呢種方式呈現。Sheng用咗全新嘅角度來呈現呢類曲風嘅畫面內容,佢注入咗流行藝術元素,為MV增添咗不同嘅色彩。」除了此外,這首歌還邀請了來自美國的優秀團隊參與,雖然過程花了很多時間和心血才促成這次的合作,但最後呈現出來的效果非常好,「希望各位樂迷會鍾意呢一個新啲嘅轉變。」
提到今次歌曲轉變曲風,軒仔坦言近年較少演繹up beat歌曲,「但其實我當年入行都係唱R&B為主,都放低咗一段時間,所以今次再重新去錄呢啲節奏感比較強啲嘅歌嘅時候,係有一種新嘅感覺,係同以前唱R&B係好唔同。」至於歌詞方面,則由唱片公司新同事兼唱片部主管黃仲凱先生操刀,「我一路都唔知佢係一位填詞人,直至到有一晚,佢將佢呢份歌詞俾我睇,我覺得:『嘩!』除咗好唱,入面仲穿插咗一啲我過往嘅音樂作品成為密碼,我覺得好有心思。」