演唱會疊住音樂劇
鍾舒漫變飛機王
出道11年的鍾舒漫,將於今年12月18日 假麥花臣場館舉行首個個人演唱會《鍾舒漫R U Sher?演唱會》。Sherman貫切其跳唱形象,以快歌《R U Naughty?》作為演唱會主題曲,新曲班底並不陌生,陳詠謙負責填詞、而監製、作曲、編曲則由王雙駿(Carl叔叔)包辨,另外Carl叔叔還為Sherman擔任演唱會監製一職,可謂齊齊拍住上!
今次MV講述Sherman嫌朋友太木獨,所以聯同一班舞者在夜裡玩突襲,用歌舞令其反叛基因覺醒。故事簡單直接,完全表達了Sherman想跟觀眾一齊郁身郁勢的渴望,Sherman說:「為了年尾的演唱會做了《R U Naughty?》這首舞曲,我經常跟別人說演唱會的主題是Party,而我的Party就是想跟大家一起跳舞,不要坐定定睇表演,陳詠謙當初定這個歌名時,亦是想叫大家做人不用太拘謹。新歌有加入我喜歡的元素,小時候經常聽James Brown,慚慚愛上Funky感覺,今次連舞蹈都嘗試了James Brown招牌『夾夾夾』的動作,向偶像致敬。」細心留意,作曲的王雙駿更將一代天后梅豔芳的〈冰山大火〉,其中一句「快快 快快 快叫火燭車火速的到步」的旋律放進歌曲裏,是表達對這一句歌詞鍾愛的心思,而交到陳榮謙手裏後,不謀而合就成為「快 快快 快快 快快 跳進舞池」。
MV拍攝前不久,Sherman才剛從英國完成短宣之旅,但為了趕製MV,一回港便即“復工”,短時間內迅速完成了排舞和造型設計,顯露出毅力過人的一面,不過當問到Sherman有否開始為演唱會加操時,她卻搖頭: 「近期除了忙於籌備演唱會,還同步為另一個音樂劇《唯獨你是王II》排練中,加上要做宣傳,根本忙到無時間去健身。」只見MV內Sherman身形同體力仍然fit到漏油,果然日子有功。她又謂未為開騷而緊張,最苦惱卻是成為「飛機王」,Sherman: 「因為好唔夠時間用,好多時一早同朋友約好咗,但都一改再改,試過等半年都未約到,有諗過索性一次過約哂嚟睇我演唱會! 」
而MV內眾人穿著多套西裝拍攝, 唔講唔知,Sherman原來是西裝愛好者:「因為我覺得西裝好能夠代表自己,即使平時穿著好隨意,但只要加上西裝外套,就可以好有造型的走到街上,這一點與自己性格相像。」MV內亦有運動裝的打扮,讓形象更加跳脫,就像今次演唱會的主題一樣,讓大家能夠不用拘謹、輕鬆隨意地跳舞。