啱啱拍完兩部電影《聖荷西謀殺案》及《午夜慢車》嘅鄭秀文(Sammi),早排擔任王梓軒(Jonathan)主持嘅節目《V My Guest》嘉賓。問到將來想同邊個合作拍戲,會唔會想同老公許志安?Sammi即刻耍手擰頭:「我不想,他都不想,不會刻意去做,想生活和工作盡量分開。」但Sammi就話想同張孝全再合作多次,因為同張孝全拍上一部《合約男女》時發現大家喺演戲上嘅想法幾合拍,一次唔夠喉,想再合作多一次!

Sammi講到拍攝內地電影《午夜慢車》時,被首次合作嘅攝影大師杜可風每日撩,佢笑住話:「他有撩我! 」Sammi又話一直好崇拜同仰慕杜可風,今次合作特別興奮,對杜可風讚口不絕:「雖然他已經60多歲,但是他整個人都充滿活力、充滿幽默感,他對美的看法又非常不一樣。」

​Sammi 又透露為了這部戲她每天學四川話,現在蠻流利的。​

提到合作無間嘅杜琪峯,Jonathan問會唔會覺得​杜Sir工作時「好凶」,Sammi即好大反應笑住反問:「他好惡嗎?應該是有要求吧!我不敢說他惡,只是他有威嚴。跟他熟了,就不害怕,知他是對事不對人,私底下他其實是老玩童,像小孩子。」

此外,節目入面,梓軒為Sammi 設計咗個心理測驗,測吓佢同班朋友之間嘅關係,測試話合作無間嘅劉德華,原來會被Sammi深深影響,Sammi對此回應話:「是他影響我好多。」而蔡卓妍阿Sa就「注定」係成日鬧交嘅朋友:「Sammi 就話平時無,但透露在新戲中就真係同佢成日吵架。」而有同樣信仰嘅衛蘭、衛詩就係會花時間喺Sammi身上,Sammi透露:「的確是,因為我之前開演唱會失聲,她倆每日花時間為我祈禱,很關心我。」

Sammi 同梓軒前年結緣,去年合唱了一首情歌​《等一等幸福​》收錄在​鄭秀文的國語專輯《裸》。最近,梓軒在Sammi的一個音樂會上臨時被拉上台,梓軒分享到Sammi是一位很大愛,很值得被尊重的天后,在她身上學會了無私,還記得有一次Sammi知道梓軒拍劇壓力大,她立刻為梓軒祈禱,她的正能量給了他很大的鼓勵,也令他非常感動!所以梓軒立刻即場獻唱了《唯獨你是不可取替》給Sammi聽。